Kimi - Söz Dədə Şəmşir / Səsləndirdi - niyayesh.mirzapour91

KİMİ
DƏDƏ ŞƏMŞİR

Namərd sənin qulluğunda qul olar,
Öz işi düzəlib bitənə kimi.
İrişə-irişə üzünə gülər,
Əli bir tərəfə çatana kimi.

Dostunu tanımaz nadan sərsəri,
Bu, elin sözüdür nə vaxtdan bəri.
Qoy sellər aparsın nanəcibləri,
Bax dalınca gözdən itənə kimi.

Namərdin ox sözü qəlbimə dəydi,
Büküb qamətimi qəddimi əydi.
Bildirçin də bir ay payızda bəydi,
Darı sünbülündə yetənə kimi.

Adam var görkəmi xeyri bildirər,
Adam var ev yıxar, adam öldürər.
Adam var məclisdə eli güldürər.
Aşıqlar sazını çalana kimi.

Şəmşir gərək mərd ocağın qalasın,
Hər kəs çəkər öz dilinin bəlasın.
Qoy səni şir yesin, şir parçalasın,
Tülkü kölgəsində yatana kimi.

---------------------------------------------

Video  İnstagram - Instagram: niyayesh.mirzapour91 səhifəsindən götürülüb və razılıq alınaraq paylaşılıb
-------
1.  Videonu bəyəndinizsə LİKE düyməsinə tıklayın ki, video daha çox insana çatdırılsın.
2.  Ən yeni videolardan xəbərdar olmaq üçün kanalımıza ABUNƏ olun və "zınqırov" işarəsinə tıklayaraq bildirişləri aktiv edin..
-------
DİQQƏT: © Müəllif hüquqları qorunur..!!!
QN Production
-------
Bizi sosial şəbəkələrdən izləməyi unutmayın:
~ Youtube: qnproduction
~ Instagram: Instagram: qn_production
~ TikTok: TikTok: qn.production