مساء الخير يا وطن اهلي وناسي

أجاويد للإنتاج الفني والإعلامي
أجاويد للإنتاج الفني والإعلامي
13 هزار بار بازدید - 3 سال پیش - مساء الخير يا وطن اهلي
مساء الخير يا وطن اهلي وناسي
للاشتراك في القناة الرسمية: http://bit.ly/Agaweed_production
لمشاهدة المزيد من أعمال الشاعر علي الكيلاني : الجزء الثاني من الحلقة الرابعة مع الش...

✅ مســــا الخير 💚
أداء : خالد الزروق- هاني المنفي
الحان وكلمات : علي الكيلاني

مسا الخير يا وطن أهلي  وناسي
يا تاج راسي
نمسيك بالخير وأحلى التمــــاسي
مسا الخير ياعيلتي ويا أحبــــابي
وجملة أقرابي
مسا الخير يا رفقتي ويا أصحابي
وجملة اللي يسمعوا في  جــــوابي
وما نيش ناسي
جاري اللي حيط ساسه فـ ساسي
مسا الخير يا وطن فيك  الغــــوالي
شاغلين بالي
على  شانهم  قلت صدري  الخالي
ومازلت  هــو  أنت  الأوّل  التــــالي
مالك احساسي
ياملك الأحســــاس يا نخب  كاسي
مسا الخير يا وطــن بالخير واعــــد
في القلب قاعد
لا هنت لا إتهــــون مهمــــا إنتبــاعد
من اجدير للـــوسط حتي إمســـاعد
وثابت  وراسي
قريتك فـ تــــاريخ  فصلي الدراسي
مسا الخير يا وطن جرة  أجــــدودي
ومعني صمودي
من البحـــر للبحر ضد الحــــدودي
لانته  إســــرائيل  لانـا  يهــــــــودي
يخسى الخاسي
ما إنبدلك  لين تخــــرج أنفــــاسي
مسا الخير يا عاصمة ويا الهــاني
وشهداء السواني
المــــاضي اللي إنعاوده للمعــــاني
روينــــاك بالنهــــر والــــدم ثــــاني
تردي  مــراسي
فراقيــــط وتجيب مجلس رئــــاسي
جــــاتك وجاك  العسل في الرواني
فـ الزمن القياسي
اللي عقبه  الكيب  قلّه  الحــــاسي
مسا الخير يا أحرار كل القبــــايـل
يا إرث هــــايل
جبــــارنة ومرابطين تشفي الغـلايل
حــرابة من الشرق حتي  النــــوايل
اللي إشداد باسي
إثقال روز وجبـــال كيف الأوراسي
مسا الخير يا وطــــن مرتع  كحيله
عفي  للهميــــلة
طـــول عرض  تطويه تغبط فـ سيله
تعقــد  علي  ثلب  سيمه  وعــــزيله
جى عصر ماسي
مــــروح ولا وين  ناره  إخــــراصي
مسا الخير يا وطن شــامخ مسمّى
فـ قمة القمــــة
حــــاضن  مـَزاريع  نخــــوه  وهمة
وعــــزه بـ ورافيل تجـــري لـ لــــمّة
وإسياد الخماسي
وراشيف وطبــــول سبعة ونواصي
مساء الخير ياوطن نخــوة وعــــزة
ســــلامي  أندزه
تصيغه  عــــواقير تختـم  الكــــزة
اللي وين ما تصير خضة وهَــــزة
العوجه إتواسي
والجبال لي الأرض ديمه  رواسي
مسا الخير يا صاع وافي أعبارة
وكل من جــــواره
مـ الجبل  للشــطّ حتي أجفــــارة
ومن غـات لا عند سبهـا  الشرارة
الجفره إقيــــاسي
من سين لا صــاد وأفقي ورآسي
مســــا الخير يا وطن ريحه تعلت
اللي إهنــــاك قلت
لا مـال لا رجال مــــا  شي  خلت
مناجل  بلا نصــــاب وطني  تولت
والنجم  السداسي
يرفرف مع رن جرس النحــــاسي
مساء الخير يا وطن فوقه ضبــابه
مضيع  شبــــابه
مخلط علي أعــــداه ودّر أحبــــابه
اللي كان مُهــــاب حــــامي إترابه
ناسه  إتساسي
كله  جبــــابين  بورصة  مــــآسي
مسا الخير ياوطن طيب أنفـــاسه
وأشراف ناسه
حــــايس ولا حد شاقي بـ محاسه
هــــاين بعد كــــان  نحلف  برآسه
بدا للتنــــاسي
ومعــرض  توابيت بعد العــــراسي
مسا الخير ياوطن هجّر أحــــراره
ويتّم إصغــــاره
أتطوطي من الضيم تحذب أكباره
إمظلم بعد كــــان تشكع انــــواره
تطلمس طماسي
أعيــــاد وعــــواشير كله منــاسي
مسا الخير  ياوطن غربه  تغــــرب
اسنــــاحه تخرب
اصرّم  بعد كــــان تــــاقي  مزرّب
يلوي  مع  ريــــح  غربي اشــــرّب
طــــار بحماسي
أصلب علي أحداش لول الفـاشي
مسا الخير ياوطن  شرقه تمــــازه
يريد  المــــوازه
مشمس مع الشمس قـاطع  نفازه
ســــامع  مهاميز  فايت أعــــزازه
حلم في إنعاسي
حسبها وجت كيف لعب الكراسي  
مسا الخير ياوطن  ناسي جنـوبه
ثامن أعجــــوبة
نهــره اللي  مــــاه حد العــــذوبة
هملــــوه  ويصدقــــوا في أكذوبة
ربيع التبــــاسي
وخشوا فـ قرطاس سبسي السباسي
مسا الخير يا قبور فيك  البطولة
وعضام  الرجولة
يا رتل وين طــــاح طاحت الدولة
ومن يومها تنش تمشي  أمعلوله
عالنة  الفـلاسي
وهلها الطوابير فيها ســــواسي
مسا الخير يا وطن مدنه أنشقت
للغــــرب  لقت
وذيــــول فـ ذيــــول طمعت وهقّت
ماتقول لا عــــز لا شــــان  حقّت
إنشق السياسي
ولحقه اللي  حُر  والدبلومــــاسي
مسا الخير يا وطن فــــاقد الهيبة
مــــولي  زريبة
وتصــــول  وتجــــول  فيه الغريبة
وشيب المســــاجين  يشبه  لشيبه
فيه الحبــــاسي
من الشاب للشيخ لم  القصاصي
مسا الخير  ياوطن بعد أن  تكرّم
اشــــرّك  اشرّم
عقــــده الملقــــوط فرطه أصــــرّم
وناسه علي  بعض تمت  تهــــرّم
وتريد القصاصي
من بعضها والبعض ناوي لخناسي
مسا الخير ياوطن باحت اســراره
وبوبح  خســــارة
منفــــور ومنبــــوذ مزعج  لجــــاره
جوازه زطل طــــاح ما ايجيب باره
اللي كان قاسي
داســــوه  حطـــوه  تحت المداسي
مسا الخير يا وطن طاحت فلـوسه
وحتي اضروسه
فـ العظام والناب تنخر الســــوسة
بدا القتل والثـــار حربه بســــوسه
وصل سن يأسي
يبي حصن تحصين من شيخ فاسي
مسا الخير يا وطن  ظــل من طريقه
شحتــــه  دقيقة
مكــابر ومــــا يبيش يسمع حقيقة
مخلي اللي  ينشله  من  غــــريقة
وعاكس عكاسي
سكران ما يبيش عد الطــــواسي
تبقى علي خير هي  بالســــلامة
ونبوا أعضُامه
الفـارس اللي  كان عز وزعــــامة
وحتي الحذاء والعباء والعمــــامة
أتطيب أنفاسي
بعدها وما عاش تسمع رصاصي
وموش كل من قال تسمع كــــلامه
وراسك وراسي
الا إيبوك يا وطن سوق  النخاسي

Follow us:
ـــــــــــــــــــــــــــــــــــــــــــــــ
Facebook | Facebook: alialkelany0fficial
3 سال پیش در تاریخ 1399/11/12 منتشر شده است.
13,051 بـار بازدید شده
... بیشتر