ضلع يام 2023 | اهداء إلى علي بن صالح العرجاني | كلمات فيصل البلداء | اداء خالد ال بريك

🔴 تنبيه : المحتوى حصري نسخه يعرض قناتك للإغلاق


------
ياسعد تل المتالي في عراقيب العشاير
واضرب الحد المطرف واعطنا سرايره

خل راعية الجرس تستاق راعية الضهاير
لين  ياتينا  بشير  الخير  في بشايرة

ودي ابعد عن زحامات  المدينه  والعماير  
في فجوجٍ ماوصلها الا الطيور الطايرة

الشعر لامن ندبته فالي وفاله سفاير
لا ابتلاه اللي  تحضر  هاجسه  زقايره

وآنا لو بمدح مايملابه علي من الضماير  
مابقالي في حزامي من قصيدي  ثايره

اخلو بيوت المديح وشغلو صوت النذاير
السيول امن المدايح في ضلوعي حايره

ذاخره لمشوربٍ ماهوب يحسب للخساير
كل حاجه ماتصير اليا بغاها  صايره

علي ابن صالح مرام ام المضاليل الخماير
من بغى ايسوي  سواته  ضاع  في   جرايره

الحكومة  وسط  لاحيا  ما يبنّون  الدواير
كيف صار المجلس اللي فالحريدي دايره

‏مجلسه في  كل  يومٍ  زايره  20  زائر
ودك تحطه  وزارة  للسنين  الجايرة

الظفر في جوشنه يقدح  مثل قدح الذخاير
يلتطم  في   عايره  وتحول   دونه   عايره  

اليمين اللي يلوٌيها  ماتجبرها الجباير
واليمين اللي يصافحها  حصاةٍ  نايره

المراجل تحت طوعه وايتخيرها مخاير
خل  عنك اللي يقول انها  غزالٍ  ذايره

سلم الله ضلع يام اللي معادينه ثراير
ويرحم الله راس ابيه اللي يرد الغايره

من مناعير ال عرجاء فالصغاير والكباير
روسهم ودميهم  عند  المداحم  فايرة

لاقبلت روس الاصايل من تحت روس الحراير
أبشر بليلٍ  يحجب النوور  في  ستايرة

دورو لي   فالخليج   وفالعراق   وفالجزاير
طالةٍ.    ماطاولوها    واعتبرها     بايره