محمد النصري يا مالي عيني باليقين

يامالي عيني باليقين ماليني لي حد العشق
لمتين بتتواره  وتبين لابتصفي لا يوم نتفق
انا كل ما اعتب عليك من شوقي بالشوق متحرق
يسبقني درويش الغرام والقاهو في ريدك غرق
امرق من الوهج العلي وادخل عليك ذي البرق
تدخل متل ضل الضحي
وبراحه تمرق منسرق
فاض الحنين والريد بحر
والشوق بحر واشواقي من شوقك فرق
فرق المشاعر المانست قدر الحبيب لاشمتت فيه الخلق
فرق الحنين من زول بريدك بي صدق
كل ما طراك بالفرحه يشهق منشرق
وإنت الهناك لا حني قلبك لاشفق
لو توهك وهم الظنون من ياتو سكه بتتلحق
ولو كل عشره تهون عليك ماتسوي حاجه وتستحق
امرك يداك باب المروق لو مره نقدر نفترق
وادخل بدسك في العروق ما اصلو دساس العرق