شكرا لكم | #ملا_مصطفى_السوداني| 1445هـ//بدلنا قبل شكم عام اسم الكرة الارضيه —-واحنه وعدنه ام حسين

اشترك بقناة  @MustafaSudane  واستمع للجديد

جميع الحقوق محفوظة للقناة الرسمية للرادود الحسيني الملا مصطفى السوداني
#Mustafa_Sudane


قصيدة:شكراً لكم
اداء :ملا مصطفى السوداني
للشاعر: ميثاق الحمداني
توزيع:قاسم حمادي
مكساج:احمد البرمكي
مونتاج:سجاد سلام
عزاء جمهور العمارة المركزي

_____________________________________________________

شكرا لكم . للشكر آن الأوان
شكرا لكم . بسم صاحب الزمان
شكرا لكم . كلمه من گلب ولسان  شكراً لكم
شكرا لمن . شكرا لمن . يخدم صدگ
من فاطمه . من فاطمه . رتبة عشگ
.......
البچانه يوم العاشر . باجمل هديه يفاخر
والمهدي لا ما ينسه . ينطي قلم للشاعر
الشاعر يتبعه الغاوون بالايه لمن نقره نقره
بس اللي كتبوا لحسين تتبعهم امي الزهره
تحضر مجالسهم دوم وتلطم بدمعه وحسره
ألما يكتب لطف حسين يا ناس منهو يحظره
اليكتب عدل . و ما تجرأ عالسماء
اليكتب عدل . عدنه أغلى الشعراء
اليكتب عدل . يحبه سيد الشهداء
شكرا لكم
شكرا لمن . شكرا لمن . يخدم صدگ
من فاطمه . من فاطمه . رتبة عشگ
.......
المله ننطيه غتره . والغايه عند الزهره
اتشد اديه بالمنبر . وتگله ضل دوم اقره
تصعد رتبته الزهراء اليقره وابيض نيه
واليتعب ودوم يگول اتعب لجل مسبيه
الحنجره ألبيها احساس وبيها دفو و حنيه
خالقها الله يا ناس كي تصبح احسينيه
الملا الصدگ . بالطرح قدوه يصير
الملا الصدگ . نسجله وي حمزه الچبير
الملا الصدگ . هذا باجر ما يحير
شكرا لكم
شكرا لمن . شكرا لمن . يخدم صدگ
من فاطمه . من فاطمه . رتبة عشگ
...
الصار اللطم تعويده . المهدي راح تزيده
الشال ايده يلطم بيها . هوه اللي عاشت ايده
الرتبه تحطها الزهراء كلمن بأجره و تعبه
والي يوزعون الماي  من الگمر حصلوا جربه
والكنس موكب يا ناس هذا چبير الرتبه
يوم القيامه الخدام بيها الخلك متعجبه
حي الخدم . والهديه امن الحسين
حي الخدم . باجر يقر الها عين
حي الخدم . يوفي الها الضامي دين
شكرا لكم
شكرا لمن . شكرا لمن . يخدم صدگ
من فاطمه . من فاطمه . رتبة عشگ
....
....
المهدي ينطي الرايه . للي مشه مشايه
واليفتح حسينيه . بالجنه عنده ولايه
واحنه وعدنه ام حسين وبالوعد تعلم هيه
بعاشور نخدم وتصير كل صفر نفس الجيه
بدلنه قبل شكم عام اسم الكره الارضيه
وكت المشي الاسم يصير ألكُره الحُسينيه
خدمه ومشي . ونوح وقرايه ودموع
خدمه ومشي . ولطم يكسر بالضلوع
خدمه ومشي . وليل لطميه وشموع
شكرا لكم
شكرا لمن . شكرا لمن . يخدم صدگ
من فاطمه . من فاطمه . رتبة عشگ
....
المثلّه دور نوفقه . الوثق قصيده نوثقه
الخدمه رزق والخادم . الزهره التوسع رزقه
افضل رتب للخدام للي اجتهد واللي جد
الگالوله لا تنعى حسين بس بوعوده جدد
اللي حجه وچانت نار مو يحجي لمن تبرد
والزهره تنطي الخدام كل ناعي اجره لوحّد
نال الأجر . اليحچي بالحق القرار
نال الأجر . الينوي تصحيح المسار
نال الأجر . وما تمسه هناكه نار
شكرا لكم
شكرا لمن . شكرا لمن . يخدم صدگ
من فاطمه . من فاطمه . رتبة عشگ
.....
اليبچي اليشيل القامه . ما ننسه ابد خدامه
نزيد الدمع واللوعه . عالكسروها اعضامه
عالمنذبح ذبح الكبش المطحون صدره كله
عالشايف اخته الحداي من صعدت اعله التله
عالراسه ينزل كلما شيال رمحه يتله
الجابوله سله وحصران وجمعوا جسمه بسله
اجروا الدمع . للذي صدره انرفس
اجروا الدمع . الخدمه مو شهرين بس
اجروا الدمع . واخدموا لآخر نفس
شكرا لكم
شكرا لمن . شكرا لمن . يخدم صدگ
من فاطمه . من فاطمه . رتبة عشگ
......



لمتابعة الحسابات الرسمية على الروابط التالية:
Instagram:
Instagram: mustafa_sudane  
Facebook:
Facebook: MustafaSudane1
Telegram:
https://t.me/Mustafa_Sudane
Twitter:
Twitter: mustafa_sudane  
Youtube:
mustafasudane1
TikTok
TikTok: mustafa_alsudane
#ملا_مصطفى_السوداني  #محرم  #محرم_الحرام