شيوخ الحرايب | محمد بوجبارة | محرم 1445 هـ

أداء الملا  محمد بوجبارة
كلمات الشاعر مصطفى العيساوي
-
الهندسة الصوتية حسين نجم
-
توزيع محمد عليق
-
مخطوطة حسين مقيم
-
ترجمة حسن القطري

شكر خاص
مرتضى سعيد البقشي
-
الشكر موصول لكل من ساهم في إنجاز العمل
-
مونـتـاج وتـنـفـيـذ
COLOR GRADING
نـور زيـد
-
إشراف عام محمـود السلطان


إنتاج :  بوجبارة ميديا

~~~~~~~~~~~~~~~~~

يا حادياً بالعيسِ حُطَّ الرچايب
ارواحِنا تِفداكم شيبٍ وشايب
تاللهِ ما خِفنه من بَرگِ السيوف
حِنّه النشامه وشيوخَ الحرايب
...
توكلنه على الله من لفينه
بيارغنه تهلهل بين ادينه
ما نشم الهوه ونشم الحسين
شكبر حضنه وتباهه حسين فينا

سبعين
نجمه بظهر نجمه
نوگف كلنه يمه
ما بينه اليعوفه
سبعين
انصار الامامه
حجينه بخيامه
كعبتنه ونطوفه

سباع المنايا حنّه بيرغنه عالي
بسيوفِنا انتباهه بينَ الرجالِ
ساعة شدايدنه وبكلِ الاحوال
انّادي علي مُظهراً للعجايب
...
السمه والگاع رجفت خوفه منّه
رسمنه حدود واليدناها فَنّه
صحنه العنده شارب يدنه الخيام
ومنو سامع ابليس يطبله جنه

حراس
وانصار العقيده
اليوصل نگطع ايده
من يوصل خيمكم

حراس
اعظم رتبه النه
يرضه حسين عنه
نعيش نموت يمكم

ارواحنا نفديها لجل المخيم
هذا الوفه البدنيه منه تعلم
لا تعذلو الهايم في الحُب مَجنون
كل واحدٍ منا في حبه ذايب
...
حبيب بشيبته يحچي اويه ربعه
الحبيب ايوفي للمحبوب طبعه
الموقف بي يبين صاحب الزين
واباب الخيم زينب تسمعه

حياك
گالتله يعمي
كفو منك ينشمي
يا شيخ المواقف

حياك
يا هيبة مُظاهر
طاهر وابن طاهر
چنك جبل واگِف

خير الصحابه انتم حيَّ النشامه
بيرغكم ايظل عالي ليوم القيامه
بيكم تباهينه ما بينَ الاصحاب
خير الرفاكة انتم بالعز صاحب