حامدکرزي د ایران له سفیر سره د مخه ښې کتنه وکړه

د۱۳۹۲ لمریز کال د تلې ۲مه

حامدکرزي د ایران  له سفیر سره د مخه ښې کتنه وکړه

د افغانستان جمهور رئیس حامد کرزي د ایران له سفیر ښاغلي "ابوالفضل ظهره وند" سره چې په افغانستان کې یې  د ماموریت موده پای ته رسېدلې ده، د مخه ښې کتنه وکړه.

په دې کتنه کې چې نن له غرمې مخکې په ارګ کې تر سره شوه، دواړو لورو د افغانستان او ایران تر منځ د همکاریو د پراختیا په برخه کې شوې  هڅې وستایلې او په دوام باندې یې ټینګار وکړ.

حامدکرزي ښاغلي "ابوالفضل ظهره وند" ته په نوې دنده کې د بریالیتوب هیله وکړه.

ښاغلي " ابوالفضل ظهره وند" په افغانستان کې د ایران د سفیر په توګه له خپل ماموریت څخه خوښي څرګنده کړه او د خپل کار په دوره کې یې د افغانستان د خلکو او حکومت د همکاریو له امله مننه وکړه.
---------------------
Office of the Spokesperson & Directorate of Communications
Presidential Palace -- ARG
Kabul, Afghanistan
Website: www.president.gov.af