مجانینه / مشایه / محمد الجنامی

القصيدة: مَجَانِيْنَهْ
الرادود: مُحَمَّد الجنَّامِيْ
الشاعر: كرار حسين الكربلائي
~~~~~~~~~~~~~~~~~~~~~~
مَجَانِيْنَهْ مَجَانِيْنَهْ
يلايم بالله خلينه
~~~~~~~~~~~~~~~~~~~~~~
عشگنه مو عشگ عابر
عشگ ما صاير وداير
على السحگوه بالحافر

گلبنه معاشر ونينه
رُفعنه بكل شِبر رايه
لطم ودموع وقرايه  
لأبو السجاد مشايه
طريق الحُب يودينه
~~~~~~~~~~~~~~~~~~~~~~
خَدم عد باب أبو اليمه
چبيرة عدنه هالنعمه
البشر سُلطان بالخدمه
أبو اليمه يعلينه
عزيز الزهره منعوفه
وحگ عبّاس و چفوفه
كتبنه بالدمِه حروفه
يعيش بكل نبض بينه
العشگ ربالهم عِله
تمنوا عنّه نِتخَله
أبد هيهات للذله
نِموت اگبال والينه
~~~~~~~~~~~~~~~~~~~~~~
يَسِر حيرنه تَفسيره
نِحبه ما نحب غيره
نِعيش بنعمته وخيره
فضل خيره يغطينه
عله بإسمه مراتبنه
فتحناله مواكبنه
قليل لمنحره حبنه
ابد ما يوم وفينه
عُطشنه و هو روانه
عِرنه و هو غطانه
نجرحنه و هو داوانه
و إذا تِهنه يدلينه
~~~~~~~~~~~~~~~~~~~~~~
رفعه راسه رُمح عالي
و رفع روس للتالي
چبير احسينه الغالي
العبد يتباهة بحسينه
تِظل دمعتنه سچابه
على حسين و على مصابه
نضيع و نِلتم ابابه
علينه ابكل وكت عينه
الحُسينية هويتنه
المجالس هاي جمعتنه
املنه بهاي خِدمتنه
إذا نِعثر تنجينه
~~~~~~~~~~~~~~~~~~~~~~
عِشَكنه و الفرض هوه
عِشِگنه غيره ما نِهوه
عِشِگنه بإسمه نِتروه
نبع صافي و يروينه
يا ناس الخدمه نهواها
نِعيش نوت وياها
ابد ما يوم ننساها
شمسنه الدوم تِضوينه
يَدُرتنه السماويه
مودتنه حُسينيه
الزياره الاربعينيه
على الجنة تِدلينه
اجينه خطوه عالخطوه
زِلم كلها وفه ونخوه
و امير النخوه والخوه
يسجلها اسامينه
الا يا ايها الساقي
اسقني بكاسك الباقي
احبك صاحت اعماقي
يَوافي العهد لِسكينه
ابو فاضل مُعلمنه
مُحامينه بمأتمنه
تره بهذا الحزن همنه
حزن من الازل بينه
~~~~~~~~~~~~~~~~~~~~~~
الخدامه هذه موطنه
ابد ما تگظي نتمنه
يَناس نشوفها الجنه
بمعالمها تِربينه
الوفه ما نِگدر نضمه
نِفسره بدمعه وبلطمه
نِواسي فاطمه امه
و أمان الزهره يكفينه
نظل ما ننسه الامه
نظل نبچي عله اخيامه
نظل للموت لطامه
يمر اسمع و يبچينه